Publicau Smarty 4.0.0

Una bella noa po is programadoris PHP de totu su mundu. Smarty, motori de templating PHP famau, est lòmpiu a sa versioni 4, apustis de calincunu annu de pagu atividadi chi faiat pensai a s'abandonu de su progetu, sendi chi programadoris medas me is ùrtimus annus ant preferiu Twig, su motori de su progetu Symfony.

Po is chi no sciint de ita megaus de chistionai, unu motori de templating permitit de separai su còdixi de un'aplicatzioni de sa presentada (o interfaci) sua, faendi su còdixi prus lìmpiu e fàcili de manixai cun su tempus. Smarty est stètiu una de is primas librerias chi ant permìtiu de fai custa separatzioni e est impreau de progetus medas. Ancora oi est unu sceberu bonu po programas nous po sa cumpletesa, sa maturidadi de su còdixi suu e sa facilidadi de dd'imparai.

Is noas de importu de sa versioni 4 funt pruschetotu s'annoamentu de su còdixi po sa cumpatibilidadi cun PHP 8, prus sa scantzelladura de unas cantu funtzionis bècias.