Apple at presentadu is iPad e Watch noos

Apple at presentadu unos cantos produtos noos. Ocannu, pro neghe de s'emergèntzia Covid, sa presentada est istada fata cun un'eventu virtuale. Semper pro su pròpiu motivu, s'isvilupu de s'iPhone nou est trighende e at a èssere presentadu prus tardu. Castiamus in curtzu cale sunt is noas.

• Apple Watch 6. Impreat unu protzessore nou, Apple S6, si podet acapiare a is retzas Wifi 5Ghz e includet un'ischermu megioradu. Custu rellògiu inteligente portat 1Ghz de memòria RAM e 32GB de memòria de massa.
• Apple Watch Se. Est una versione prus barata de su rellògiu, chi impreat unu protzessore S5
• iPad de sa de 8 generatziones. Sa tauledda noa impreat protzessore Apple A12 Bionic cun 6 nùcleos (2 prus lestros e 4 a rispàrmiu de energia) a 2,49 Ghz, bateria chi poderat finas a 10 oras, memòria finas a 128GB e fotocàmera de 8 Megapixel.
• iPad Air de sa de 4 generatziones. S'annoat cun cumponentes prus lestros, bateria chi durat de prus, memòria finas a 256GB e prus colores a disponimentu. Su protzessore est un'Apple A14 cun 6 nùcleos (2+4, comente s'iPad istandard) a 3,1Ghz