Microsoft Duo est in cummèrtziu

Microsoft Duo est un'aparatu chi simìgiat a una tauledda, ma partzidu  in duas alas chi si podent serrare che unu libru, cadauna cun un'ischermu de 5,6". Is duos ischermos si podent impreare a manera indipendente o a manera de formare un'ischermu mannu. Su dispositivu portat unu protzessore Qualcomm Snapdragon 855, 6 GB de RAM, 128 o 256 GB de memòria de massa, fotocàmera de 11 megapixel, connessione LTE e sistema Windows 10.

No est su primu dispositivu cun su segundu ischermu, sende chi LG est sperimentende custa solutzione in unos cantos telefoneddos e ddoe at fintzas dispositivos cun ischermu chi si podet trotigare, che su Huawei Mate XS. Microsoft Duo pro su momentu est bèndidu isceti in is Istados Unidos pro 1399$. Non tenimus informatziones a pitzus de s'arribu suo in Europa e cantu at a costare. De seguru, custu prètziu nde faghet unu dispositivu de lussu o pro impreu professionale.