TikTok iscocaiat su tràficu de is usuàrios

TikTok, fintzas a su mese de onniasantu passadu leghiat su còdighe MAC de is dispositivos de is impitadores. Nde chistionat Wired cun riferimentu a un'artìculu de Wall Street Journal. Su MAC est unu còdighe identificativu, diferente pro onni aparatu acapiadu a sa retze. Est un'informatzione chi is agentzias publitzitàrias diant a bòlere ischire pro ite ca permitit de iscobèrrere cales giassos is usuàrios visitant e duncas su gustu issoro. S'atzessu a su MAC in Android est proibidu dae Google, ma fiat possìbile gràtzias a una debilesa de Android.

Custu donat resone a is Istados Unidos chi narant chi sa Tzina bolet furare informatziones? Mancari est de aici, ma is aziendas USA non sunt mègius de seguru, sende chi Facebook at fatu fintzas peus, comente biemus inoghe, inoghe, inoghe e inoghe. Sa punna de is retzes sotziales est de regòllere datos de is usuàrios pro bèndere sa publitzidade e a cantu paret ddu faghent impreende onni mèdiu, legale o no.