Toshiba lassat su mercadu de is PC

Cun unu messàgiu curtzu, Toshiba at decraradu in su giassu suo chi at lassadu sa cuota sua de Dynabook a sa Sharp. Dynabook est su nòmine nou de Toshiba Client Solutions Co., Ltd a pustis chi Sharp nd'at comporadu sa parte manna. In custa manera, Toshiba est essida a foras de su setore de is elaboradores personales.

Fintzas a immoe, Toshiba fiat una de is aziendas prus de importu in sa produtzione de computadores mòbiles, mancari in is ùrtimos annos is produtos suos apant fatu pagu cuntentos medas de is usuàrios, cun sa cuncurrèntzia manna e is bèndidas chi depent fàghere is contos cun telefoneddos e tauleddas chi in medas famìlias ant pigadu su logu de is elaboradores.