Bendent dispositivos anti-5G ma sunt isceti craes USB

Bendent dispositivos anti-5G ma sunt isceti craes USB

Crae USB
 Fotografia de Pexels dae Pixabay

Sa BBC at publicadu sa noa de s'imbìstigu de sa politzia de Londra a pitzus de unu grupu chi est bendende unu dispositivu, su 5GBioShield, chi  "Pro mèdiu de unu protzessu de tzàntzigu cuànticu abalantzat e re-armonizat is frecuèntzias istrumbulladoras chi benent de s'impestadura elètrica ingendrada dae dispositivos comente elaboradores mòbiles, telèfonos sena filos, wi-fi, tauleddas, etzètera".

Un'averìguu de is dispositivos at però acraradu chi no sunt àteru chi craes USB de 128 MB de su valore de £5, bèndidos pro £339 (pagu mancu de 380€), una trampa pensada pro aprofetare de sa timoria e s'innioràntzia de meda gente a in antis a custa generatzione noa de istandard te comunicatzione. S'annùntziu cuntenet medas faeddos chi no tenent sentidu ma chi faghent efetu in is chi ddos leghent, comente catalizadore ologràficu a nano-pìgiu o a foras de cale si siat cuntestu, comente tzàntzigu cuànticu, chi amus giai addobiadu.

Etichetas

Cummenta

Categorias