Amazon denùntziat su tràficu de retzensiduras
Amazon at presentadu una denùntzia contras unu sistema de retzensiduras positivas a insertziones in càmbiu de dinari o produtos gratis.
Su sistema fiat coordinadu a traessu de unos cantos grupos in Telegram pro mèdiu de persones chi faghiant sa funtzione de intermediàrios. A is usuàrios de su grupu ddos invitaiant a lassare retzensiduras positivas in càmbiu de dinari o de produtos cun iscontu. Produtos cun votos positivos tenent prus possibilidades de èssere cussigiados a àteros usuàrios e duncas de èssere bèndidos. Pro is bendidores si trataiat duncas de un'investimentu: paghende càncua retzensidura podiant bèndere de prus.
Su problema de custu andeu est chi is comporadores cunfiaiant cun produtos pro more de opiniones farsas. Custu diat a pòdere èssere fintzas un'ispricadura pro totu cussas bortas chi produtos cun chimbe isteddos arribant a domo e non cumprint nudda cun is promissas. In pràtica, sa trampa faghet dannu a is usuàrios chi, a sa fine, perdent totu sa cunfiàntzia cun sa prataforma. Pro custu, Amazon at detzìdidu de denuntziare su cumportamentu, chi at a pòdere costare dinari meda a is autores, pro multas e rifata de dannos.
Cummenta