Sa lege de El Salvador at a connòschere su Bitcoin

El Salvador, cun una lege de su mese de làmpadas passadu at donadu balore legale a su Bitcoin. Su paisu de su tzentru-Amèrica, primu in su mundu a connosci pro lege su cripto-dinari, est andende a in antis cun custu progetu, preparende·si, dae su 7 de cabudanni, a pònnere dughentos càscias automàticas pro permìtere de cambiare is dòllaros in Bitcoin e a s'imbesse.

S'idea, segundu is decraratziones de su guvernu, at a permìtere a is tzitadinos de aorrare prus de batorghentos milliones de dòllaros pro is trasferimentos de dinari de s'èsteru, sende chi su 20% de su prodotu internu brutu de su paisu benit dae su dinari imbiadu dae is traballadores emigrados. Totu is trasferimentos traditzionales difatis tenent unas cantas cummissiones de pagare pro s'operatzione, mentres su guvernu at fatu un'acòrdiu pro impreare sa prataforma Strike pro is transatziones cun Bitcoin. Cun custa s'at a pòdere creare portafòllios digitales pro allogare e ispèndere su cripto-dinari.

Si custa siat una noa bona o mala, difìtzile est a ddu nàrrere sena una base de economia, ma cussìgiu de lèghere custu artìculu de Sardunomics pro nde cumprèndere de prus.