Antitrust USA contras a Google

Google est istada acusada dae su guvernu de is Istados Unidos e s'Antitrust de pràticas anti-concurrèntzia pro tènnere sa positzione sua de monopòliu.

Segundu Il Sole 24 Ore, s'acusa est de àere pagadu aziendas tecnològicas pro mantènnere Google comente motore de chirca predefinidu. In custa manera, sa parte manna de is chircas sighit a èssere fata a traessu de cussu permitende-ddi de gadangiare semper de prus.

S'acusa no ispantat meda, ca Google est in onni logu cale si siat cosa faghimus in Internet: Android est su sistema prus impreadu in is telefoneddos e Chrome est su navigadore prus impreadu in is elaboradores, agiumai totus tenent un'indiritzu GMail e una parte manna meda de is sitos impreat Google Analytics pro analizare su tràficu. Sèberos is usuàrios nde tenent, nd'amus bidu calicunu pro is motores de chirca e pro Android puru, ma custu baliat fintzas pro Microsoft, chi però in is annos de Windows 7 dd'aiant obligada a amostrare un'ischermada de seberu pro su navigadore.