TikTok scocàt su tràficu de is usuàrius

TikTok, fintzas a su mesi de donniasantu passau ligiat su còdixi MAC de is dispositivus de is impitadoris. Ndi chistionat Wired cun rifermentu a un'artìculu de Wall Street Journal. Su MAC est unu còdixi identificativu, diferenti po dònnia aparatu acapiau a s'arretza. Est un'informatzioni chi is agentzias publicitàrias iant a bolli sciri po ita ca permitit de scoberri cali giassus is usuàrius abìsitant e duncas su gustu insoru. S'acessu a su MAC in Android est proibiu de Google, ma fiat possìbili gràtzias a una debilesa de Android.

Custu donat arrexoni a is Stadus Unius chi narant chi sa Cina bolit furai informatzionis? Mancai est de aici, ma is asiendas USA no funt mellus de seguru, sendi chi Facebook at fatu fintzas peus, comenti bieus innoi, innoi, innoi e innoi. Sa punna de is arretzas socialis est de arregolli datus de is usuàrius po bendi sa publicidadi e a cantu parit ddu faint impreendi dònnia mèdiu, legali o no.