Is noas de Google Chrome 84

Google at publicau sa versioni 84 de su navigadori suu, Chrome. Sa publicatzioni est arribada tradu, comenti po totu is versionis a incumentzai de sa 81, po mori de su traballu chi est andendi prus a bellu in custu tempus de pandèmia. Is noas, impari cun sa curretzioni normali de faddinas, tocant sa seguresa e s'agiunta de funtzionis noas:

Càmbius po SameCookie.
SameCookie est unu datu chi unu situ podit imbiai a su navigadori po ddi nai cali àterus situs podint impreai in pistocus (cookie) chi at sarvau.
Agiunta de WebOTP
WebOTP serbit a automatizai s'insertamentu in un'aplicatzioni web de una crai temporànea (One Time Password) imbiada a su telefoneddu po no dda depi copiai e atacai o torrai a scriri a manu.
Agiunta de Web Animations
Web Animations est su traballu de su W3C po unu standard chi permitat unu controllu de is animatzionis in un'aplicatzioni web, ponendi impari unas cantu tecnologias giai impreadas oindii e agiungendi prus possibilidadis po ddas impreai cun atòliu prus mannu.
Càmbius po TLS
Is versionis prus bècias de TLS, protocollu po sa navigatzioni segura, funt stètias burradas po amanniai sa seguresa.