Adiosu a s'imbentori de GIF
Su 14 de martzu si-nc'est andau Stephen Wilhite, imbentori de su formau de màgini animada GIF. Teniat 74 annus e si-dd'est pigau sa Covid-19.
Nd'ant donau s'annùntziu giornalis e giassus meda, a incumentzai de GIPHY, archìviu de gif animadas.
Wilhite iat imbentau su formau GIF in su 1987 comenti formau lèbiu po imbiai vìdeus curtzus a traessu de s'arretza Internet, sendi chi in cussu tempus is connessionis fiant lentas. Is gif animadas fiant famadas meda me is annus '90, ma apustis ant lassau su logu a Flash. Funt torradas sceti me is ùrtimus annus, candu Flash est stètiu abellu abandonau. Ndi podeus biri medas me is arretzas sotzialis po comunicai messàgius curtzus, po tzitai scenas de pellìculas o sèries TV e fintzas po spainai memes animaus.
Sa primu gif animada de sa stòria de Internet dd'iat carrigada issu etotu. Fiat custa:
Po custu imbentu, Stephen Wilhite, chi s'est arretirau in s'incumentzu de is annus 2000, at arriciu su prèmiu a sa carriera de is Webby Awards in su 2013.
Fontis:
Cumenta