Vacinus contras a su COVID bèndius a scusi
![Màgini de Markus Winkler de Pixabay](/sites/default/files/styles/large/public/2021-03/telefoneddu-covid-19.jpg?itok=1l4qlprx)
Un'artìculu in su blog de Kaspersky nosi fait sciri chi cun sa pandemia de COVID-19 est incumentzau unu mercau cuau in su web scuru (dark web) innui si bendint artìculus de protetzioni, comenti is mascareddas, e fintzas su vacinu, cun prètzius chi andant de 250$ a 1200$, o certificaus farsus de vacinu po is chi bolint biagiai chena ddu fai.
Is artìculus s'agatant in logus de s'arretza difìcilis de agatai, comenti grupus privaus de servìtzius de messàgius o arretzas sotzialis o giassus in serbidoris privaus. Po su pagamentu si preferint is cripto-monedas chi funt prus difìcilis de sighi de is autoridadis.
Craru est chi custas cosas no andant pigadas po nisciuna arrexoni. Is vacinus podint essi farsus e no ddoi at manera de dd'averiguai, ma fintzas si funt berus podint essi furaus e/o arreguaus mali e duncas podint fai dannu o no fai efetu perunu. Fintzas sa còmpora podit essi proibida de sa lei e andat a intzulli su cumportamentu pagu èticu de chini no si firmat nimancu innantis a sa maladia po gadàngiu.
Cumenta