A chent'annos, Trinity!

Trinity Desktop Environment (TDE) est un'ambiente de iscrivania pro sistemas Unix/Linux, derivadu dae KDE 3.5 e nàschidu su 29 abrile 2010 cando KDE est lòmpidu a sa versione 4, pro frunire un'ambiente bellu, ricu, cumpridu e istàbile. No est intre is prus famados, pro ite ca sa parte manna de is distributziones chi impreaiant KDE sunt coladas a is versiones noas, ma est possìbile a dda installare in cale si siat distributzione Linux sena dificultade manna.
Trinity tenet custa bisura nostàlgica chi at a pràghere a is chi impreant Linux dae ora meda e programmas chi sunt essidos istàbile cun annos de impreu e s'esperièntzia de impitadores e programmadores.

Trinity at festadu is 10 annos cun sa publicatzione de una versione noa, sa 14.0.8, chi arràngiat medas problemas de sa versione in antis.

Is chi bolent proare TDE podent sighire sa ghia de installatzione pro sa distributzione issoro (o una chi dd'assimìgiat) o nd'iscarrigare una chi dd'at isseberada comente a pre-definida.