tauleddas

De su 18 de friaxu de su 2027 is baterias de is dispositivus portàtilis depint essi fàcilis de cambiai pro s'impitadori, chena depi impreai trastus professionalis e malus a agatai. Ddu narat sa lei noa de s'Unioni Europea chi punnat, impari cun s'òbligu de disponibilidadi de is partis de ricàmbiu po 7 annus incumintzendi de sa data de cumertzializatzioni e de annoamentus de is programmas po 5 annos, a redusi su sperdìtziu de dispositivus ancora bonus e duncas a minorigai sa cantidadi de àliga de dispositivus elètricus e eletrònicus.

Si-ndi chistionat de diora meda, ma a sa fini su Cunsillu de s'Unioni Europea at aprovau unu formau universali po is càrriga-baterias de telefoneddus, tauleddas, computeras portàtilis e àterus dispositivus.

Microsoft Duo est un'aparatu chi assimbillat a una tauledda, ma partziu  in duas alas chi si podint serrai che unu lìburu, cadauna cun unu schermu de 5,6". Is duus schermus si podint impreai a manera indipendenti o a manera de formai unu schermu mannu. Su dispositivu portat unu processori Qualcomm Snapdragon 855, 6 GB de RAM, 128 o 256 GB de memòria de massa, fotocàmera de 11 megapixel, connessioni LTE e sistema Windows 10.