UE: is baterias depint essi fàcilis a cambiai
De su 18 de friaxu de su 2027 is baterias de is dispositivus portàtilis depint essi fàcilis de cambiai pro s'impitadori, chena depi impreai trastus professionalis e malus a agatai. Ddu narat sa lei noa de s'Unioni Europea chi punnat, impari cun s'òbligu de disponibilidadi de is partis de ricàmbiu po 7 annus incumintzendi de sa data de cumertzializatzioni e de annoamentus de is programmas po 5 annos, a redusi su sperdìtziu de dispositivus ancora bonus e duncas a minorigai sa cantidadi de àliga de dispositivus elètricus e eletrònicus.