Apple at presentau is iPad e Watch nous

Apple at presentau unus cantu prodùsius nous. Ocannu, po nexi de s'emergèntzia Covid, sa presentada est stètia fata cun un'eventu virtuali. Sèmpiri po su pròpiu motivu, su svilupu de s'iPhone nou est trighendi e at a essi presentau prus tradu.Castiaus in curtzu cali funt is noas.

• Apple Watch 6. Impreat unu processori nou, Apple S6, si podit acapiai a is arretzas Wifi 5Ghz e incluit unu schermu amellorau. Custu relògiu inteligenti portat 1Ghz de memòria RAM e 32GB de memòria de massa.
• Apple Watch Se. Est una versioni prus barata de su relògiu, chi impreat processori S5
• iPad de sa de 8 generatzionis. Sa tauledda noa impreat processori Apple A12 Bionic cun 6 (2 prus lestus e 4 a arrespàrmiu de energia) nùcleus a 2,49 Ghz, bateria chi poderat finas a 10 oras, memòria finas a 128GB e fotocàmera de 8 Megapixel.
• iPad Air de sa de 4 generatzionis. S'annoat cun cumponentis prus lestus, bateria chi durat de prus, memòria finas a 256GB e prus coloris a disponimentu. Su processori est un'Apple A14 cun 6 nùcleus (2+4, comenti s'iPad standard) a 3,1Ghz