Scoberta debilesa po is processoris Intel

Is circadoris de Positive Technologies ant scobertu una debilesa in is processoris Intel, chi ndi arruinat sa seguresa, permitendi de esecutai còdixi malu chi iat a podi fai dannus a su sistema o ndi furai datus segretus. Is processoris Intel funt impreaus in una parti manna de is elaboradoris personalis e atrus dispositivus cumenti dispositivus de giogu eletrònicu, duncas su perìgulu pertocat una parti manna de is impitadoris e de is aziendas.

Positive Technologies, cumenti chi siat, narat chi po imoi su perìgulu est teòricu sceti, ma non depit essi pigau a pagu contu. Intel at decrarau chi giai connosciat custu problema e est giai traballendi pro ddu arresorvi. A dolu mannu, custu non podit essi arresortu a manera cumpleta me is dispositivus chi ddu portant, po ita ca pertocat còdixi chi est scritu deretu in is circùitus de is processoris, ma podit sparessi de is mollus nous, amellorende-ndi su progetu.