S'oferreus torra su CROS in lìnia

https://www.sardumatica.net/ainas/cnesc/

Comenti sciit beni chini totu scriit in sardu, sa RAS nd'at bogau unus cantu trastus de importu chi teniat in lìnia, comenti su ditzionàriu de Màriu Puddu e su CROS (Curretore Regionale Ortogràficu Sardu), chi sa domu editora NOR at torrau apustis a ponni in lìnia - e ddi torraus gràtzias po custu. A dolu mannu, su CROS no funtzionat prus beni e tenit fintzas su problema chi est cosa bècia chi andat mali cun dispositivus mòbilis.

Gràtzias a su fatu chi su CROS est a disponimentu cun lissèntzia lìbera, su grupu de Sardware at propostu de svilupai unu curretori nou de ponni in lìnia. Mi-ndi seu incarrigau de personi e ddu pùblicu de manera chi totus ddu potzant impreai. Si tratat de sa versioni LSC de su curretori: sa versioni de is variedadei no s'agatat prus in logu perunu, asinuncas iat a fai a a ponni ambas duas a disponimentu.

A su curretori, liende ispiratzioni de su progetu GNU, dd'apu postu CNESC (CNESC No Est Su CROS) a nòmini de traballu. Dd'agatais innoi e podeis liai parti a sa proa beta, sinnalendi-mì (fintzas comenti cumentu a custu artìculu) faddinas, ideas, cunsillus, etc. Una borta chi funtzionat beni, dd'eus a ponni fintzas in su situ web de Sardware e su còdixi de orìgini at a èssere lìberu etotu.

Spassiai-sì!